Arquivo de novembro 2008
Goleadores xornada 13 de Terceira e Preferente
24 novembro 2008TERCEIRA DIVISIÓN:
MONTAÑEIROS 2 (Rubén Rivera e Añón) VILALONGA 0
GRAN PEÑA 0 CERCEDA 2 (Felipe e Dani)
VERÍN 0 CÉLTIGA 0
PORTONOVO 1 (Álex) OURENSE 0
ALONDRAS 1 (Antonio -pr. porta-) LALÍN 1 (Nando)
PONTEVEDRA B 0 COMPOSTELA 2 (Rubén e Peter)
SANTA COMBA 3 (Cotrofe -2- e Iván) SOMOZAS 1 (Ness)
AROUSA 3 (Hugo -2- e Padín) NEGREIRA 3 (Nacho, Jano e Julián)
CORUXO 0 ORDES 0
RÁPIDO DE BOUZAS 0 NARÓN 2 (Charlón e Carlocho)
PREFERENTE NORTE:
SPORTING SADA 2 (Gonzalo e Fede) OUTEIRO DE REI 0
SANTIAGO DE COMPOSTELA 1 (Rubén) CALO 1 (Dani Gesto)
LEMOS 2 (Basualdo e Cotarelo) CHANTADA 1 (Basán)
RACING VILALBÉS 2 (Dani e Xaime) LARACHA 2 (Pablo -2-)
VIVEIRO 3 (Schuster -2- e Emanuel) NOIA 2 (Yanki e Lloyd)
BOIRO 1 (Nando) CASTRO 1 (Gorgoso)
DORNEDA 1 (Pou) BETANZOS 0
VIZOÑO 0 FOZ 1 (Óscar Pol)
BERGANTIÑOS 2 (Adriano e Dani) FLAVIA 0
DUBRA 0 AS PONTES 2 (Pablo e Troncho)
PREFERENTE SUR:
OURENSE B 1 (Xaco) CULTURAL AREAS 0
ESTRADENSE 1 (Brais) PONTELLAS 1 (André)
TOMIÑO 3 (Rubén, Víctor e Javi) BARCO 2 (Aira e David Pérez)
MARÍN 2 (Janeiro e Diéguez) SPORTING CELANOVA 1 (Vila)
BARBADÁS 0 CRUCEIRO DO HÍO 0
PORRIÑO INDUSTRIAL 0 CHOCO 0
SANXENXO 2 (Cuchi e Blanco) SALVATERRA 3 (Julio Alberto -2- e José Carlos)
CASELAS 3 (Héctor, Isma e Damián) PONTE OURENSE 0
RIBADUMIA 1 (Álex) MELIAS 1 (Zorrilla)
O GROVE 1 (Álex) ARENTEIRO 2 (Martín e Jonathan)
Goleadores xornada 12 de Terceira e Preferente
17 novembro 2008TERCEIRA DIVISIÓN:
NARÓN 4 (Charlón, Álex López, Lelo -pr. porta- e Pablo Rey) GRAN PEÑA 1 (Budiño)
SOMOZAS 0 CÉLTIGA 1 (Diego)
VILALONGA 5 (Saúl -2-, Pillado -2- e Luismi) CORUXO 1 (Costas)
ORDES 1 (Josiño) RÁPIDO DE BOUZAS 1 (Álex)
NEGREIRA 0 ALONDRAS 0
LALÍN 0 MONTAÑEIROS 1 (Rivera)
CERCEDA 5 (Felipe -2-, Xaco, Adolfo e Ángel) PONTEVEDRA B 1 (Vicente)
COMPOSTELA 1 (Rubén) PORTONOVO 0
OURENSE 4 (Josu, José Arenas, Berto e Álex) SANTA COMBA 0
AROUSA 0 VERÍN 1 (Oli)
PREFERENTE NORTE:
CHANTADA 2 (Cadete e Luis) BOIRO 0
BETANZOS 2 (Andrés e Marcos) SP. SADA 1 (Santi Peleteiro)
FOZ 0 AS PONTES 0
FLAVIA 2 (Chenel e Ero) VIVEIRO 1 (Schuster)
NOIA 5 (Víctor -2-, Lloyd -2- e Alberto Martínez) LEMOS 1 (Basualdo)
OUTEIRO DE REI 0 RACING VILALBÉS 4 (Félix, Omar e Xaime -2-)
LARACHA 2 (Pablo Lorenzo -2-) SANTIAGO DE COMPOSTELA 1 (Adrián)
BERGANTIÑOS 4 (Élmer, Bossa, Dani e Adriano) DUBRA 0
CASTRO 2 (Albertito e Iván González) DORNEDA 0
CALO 4 (Chenel, Rocha -2- e Saro) VIZOÑO 1 (Ito)
PREFERENTE SUR:
MELIAS 1 (Álvaro) OURENSE B 2 (Unai e Toni)
ARENTEIRO 3 (Alfredo -2- e Martín) TOMIÑO 1 (Pablo)
BARCO 1 (Tyronne) PORRIÑO INDUSTRIAL 2 (Guerra e Carlos)
CASELAS 1 (Toni) SANXENXO 2 (Diego Blanco -2-)
PONTE OURENSE 1 (Ismael) RIBADUMIA 1 (José)
CULTURAL AREAS 1 (David) ESTRADENSE 1 (Joan)
PONTELLAS 2 (Javier e Santiago) O GROVE 0
CHOCO 0 MARÍN 2 (Miguel -2-)
SPORTING CELANOVA 2 (Gabri -2-) BARBADÁS 3 (Adolfo, Outomuro e Josiño)
CRUCEIRO DO HÍO 2 (Edu Veiga e Óscar García) SALVATERRA 2 (Martín e Chus)
O conflito coa TVG
16 novembro 2008
Xa é sabido que fracasou o acordo entre clubes de Segunda B e TVG para a retransmisión de encontros dos equipos galegos desta categoría. Os argumentos do ente televisivo, a excesiva cantidade solicitada polos clubes e a pouca audiencia que ditos partidos suporían para a canle galega.
É cando menos estraño que unha canle de televisión pública esgrima argumentos de rendibilidade, cando a súa función principal é a de servizo público. Doutra banda, non estaría de máis comprobar a audiencia doutras retransmisións que se efectúan os sábados á tarde, para ver se efectivamente un derbi de Segunda B -e esta liga poderemos ver uns cantos, con seis equipos na categoría- queda por baixo destas audiencias, cousa que dubidamos sinceramente. Cando noutras televisións autonómicas comezan a retransmitir encontros de Segunda B e mesmo de Terceira dos seus equipos, aquí recuamos como os cangarexos.
Pero, mesmo entendendo as razóns que poden levalos a tomar esta medida, a postura dalgúns clubes de non permitiren a entrada das cámaras da TVG aos seus estadios, é igualmente reprobábel. Non se pode censurar a un medio porque non chegues a un acordo económico con el. O dereito á información está por riba dos cartos, e o que é peor: con esta medida, os que saen perdendo son os siareiros destes equipos. En calquera xulgado, a TVG teríao moi doado para gañar un pleito a estes clubes que veñen de tomar unha medida tan excesiva como ilegal.
Tan difícil é atopar unha marca publicitaria que patrocine as retransmisións de Segunda B na TVG, como acontecía en tempos? Por que tanto TVG como clubes se empeñan en adoptar posturas que só prexudican aos seguidores dos nosos equipos desta categoría?
Desaxeitado calendario da Terceira galega
16 novembro 2008
Aló por finais de setembro xurdía a nova: o sistema de ascenso de Terceira División a Segunda División B vai sufrir para esta temporada a mesma modificación có de ascenso de Segunda B a Segunda A: os campións xogarán primeiro entre eles, os vencedores destas eliminatorias ascenderán de categoría, e os perdedores enfrontaranse en dúas eliminatorias máis aos vencedores dunha eliminatoria previa de segundos contra cuartos e terceiros contra terceiros.
A primeira consecuencia disto é que a Terceira División en todos os seus grupos deberá rematar o 17 de maio. Ben, pois que teñamos coñecemento, todas as federacións territoriais modificaron e axeitaron os calendarios de cadanseus grupos de Terceira para que rematen nesa data. Todas? Non. A única que queda por facelo é a Federación Galega de Fútbol.
Desde o ente federativo aseguran que primeiro queren escoitar a opinión dos clubes para levar a cabo dita modificación. Sen embargo, este argumento semella un chisco pobre a carón do feito de que, estando a piques de rematar o ano, nin clubes nin afeccionados saben aínda as datas definitivas nas que se vai levar a cabo a competición, tema este que teñen resoltas -como a lóxica así o demanda- o resto de federacións territoriais.
Coidamos que, como mínimo, a FGF debería ter resolta a cuestión antes de que remate o ano. Non parece serio que, a piques de se cumprir case un terzo do campionato, a Terceira galega aínda non coñeza as datas definitivas de celebración das súas xornadas. Nin, por suposto, isto di moito a prol da seriedade do ente federativo galego.
Benvid@s ao blogue de Marcador Galego
15 novembro 2008MARCADOR GALEGO vén de inaugurar o seu blogue, que queremos que sexa o de tod@s @s usuari@s da web. Por esta razón, pregamos a vosa participación. Esta poderédela levar a cabo do seguinte xeito:
- Enviando comentarios aos artigos que se publiquen (con moderación previa, para evitar a presenza de textos aldraxantes ou irrespectuosos).
- Enviando artigos de opinión para publicar ao correo admin@marcadorgalego.com, que por suposto serán publicados co nome ou nick d@ remitente. Os artigos deberán estar preferentemente en idioma galego, e de non ser así, o envío do artigo levará implícita a conformidade d@ autor(a) para que o seu texto sexa traducido ao galego.
- Enviando fotos, imaxes ou videos (neste caso, preferentemente que xa estexan publicados na rede) de xogador@s ou equipos para a galería que crearemos a tal efeito, tamén ao correo admin@marcadorgalego.com.
Moitas grazas a tod@s, e que disfrutedes desta nova iniciativa.